အာမခံလုပ်ငန်းကြီးကြပ်ရေးအဖွဲ့၏ (၃၂) ကြိမ်မြောက် အစည်းအဝေးကျင်းပ
Posted on 29.06.2023![post image](https://frd.gov.mm/storage/app/public/backend/postImages/649ce8c904b43_649ce8c904b45.jpg)
စီမံကိန်းနှင့်ဘဏ္ဍာရေးဝန်ကြီးဌာန၊ အာမခံလုပ်ငန်းကြီးကြပ်ရေးအဖွဲ့၏ (၃၂) ကြိမ်မြောက်(ပုံမှန်)အစည်းအဝေး (၂/၂၀၂၃)ကို ယနေ့၊ မွန်းလွဲ ၂ နာရီတွင် ရုံးအမှတ်(၃၄)ရှိ စီမံကိန်းနှင့်ဘဏ္ဍာရေးဝန်ကြီးဌာန၊ အစည်းအဝေးခန်းမ၌ ကျင်းပသည်။
အစည်းအဝေးတွင် ဦးစွာ အာမခံလုပ်ငန်းကြီးကြပ်ရေးအဖွဲ့၊ ဥက္ကဋ္ဌ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းက အမှာစကားပြောကြားပြီး အတွင်းရေးမှူး နှင့် တာဝန်ရှိသူများက ယခင်အစည်းအဝေး (၁/၂၀၂၃) ဆုံးဖြတ်ချက်များအပေါ် ဆောင်ရွက်ပြီးစီးမှုအခြေအနေ၊ အသက်အာမခံအမျိုးအစားသစ် ဆောင်ရွက်ခွင့်ပြုရန်ကိစ္စ၊ ကော်ပိုရိတ်အထွေထွေအာမခံကိုယ်စားလှယ်အဖြစ် လျှောက်ထားလာသူများအား လုပ်ငန်းလုပ်ကိုင်ခွင့်ပြုရေးကိစ္စရပ်တို့ကို ဆွေးနွေးအတည်ပြုခဲ့ကြပြီး၊ ဌာနတွင်း အာမခံကိုယ်စားလှယ် လေ့ကျင့်ရေးစင်တာ တည်ထောင်ခွင့်ပြုရေး၊ အာမခံကိုယ်စားလှယ် လုပ်ကိုင်ခွင့်လိုင်စင်ထုတ်ပေးရေး၊ နှစ်တိုငွေပင်ငွေရင်းအသက်အာမခံပေါ်လစီတွင် ဆေးရုံတက်စရိတ်အကျိုးခံစားခွင့်ကို ကိုဗစ်-၁၉ ကပ်ရောဂါ ဖြစ်ပွားစဉ်ကာလအတွင်း ၆ လ ထပ်ဆောင်းပေးအပ်ရေးနှင့် ရုံးခွဲသစ်ဖွင့်လှစ်ခွင့်ပြုရေးကိစ္စတို့ကို မှတ်တမ်းတင် အတည်ပြုခဲ့ကြသည်။
ယခုအခါ မြန်မာနိုင်ငံ၏ အာမခံဈေးကွက်တွင်
ရာနှုန်းပြည့်နိုင်ငံခြားသားပိုင် အသက်အာမခံ ကုမ္ပဏီ ၅ ခု၊
ဖက်စပ်အသက်အာမခံကုမ္ပဏီ ၃ ခု၊ နိုင်ငံသားပိုင်အသက်အာမခံကုမ္ပဏီ ၉ ခု၊
ဖက်စပ်အထွေထွေအာမခံကုမ္ပဏီ ၃ ခု၊ နိုင်ငံသားပိုင်အထွေထွေအာမခံကုမ္ပဏီ ၆
ခုနှင့် မြန်မာ့အာမခံလုပ်ငန်းအပါအဝင် အာမခံကုမ္ပဏီ ၂၇ ခုတို့မှ
အာမခံဝန်ဆောင်မှုများကို ဆောင်ရွက်ပေးလျက်ရှိပြီး အာမခံကုမ္ပဏီများမှ
အသက်နှင့် အထွေထွေအာမခံအမျိုးအစားပေါင်း ၄၀ ကျော်ကို
ဝန်ဆောင်မှုပေးလျက်ရှိကြောင်းနှင့် အာမခံလုပ်ငန်းကြီးကြပ်ရေးအဖွဲ့အနေဖြင့်
အာမခံကုမ္ပဏီများက အဆိုပြုတင်ပြလာကြသော အသက်အာမခံနှင့်
အထွေထွေအာမခံအမျိုးအစားသစ်များကို ဥပဒေ၊ စည်းမျဉ်း စည်းကမ်းများနှင့်အညီ
စိစစ်ခွင့်ပြုပေးလျက်ရှိပြီး
မြန်မာ့အာမခံလုပ်ငန်းကဏ္ဍဖွံ့ဖြိုးတိုးတက်ရေးအတွက်
ဆက်လက်ဆောင်ရွက်သွားမည်ဖြစ်ကြောင်း သိရသည်။
File Attachment :
Tags : # News and Announcements
Recent Posts
လူအများအပြားသေကျေစေသည့် လက်နက်များပြန့်ပွားရေးနှင့်ပတ်သက်၍ ကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၁၇၁၈ မှ ထုတ်ပြန်သည့် ဆုံးဖြတ်ချက်များ unscr 1718's Sanction List
အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးနှင့်ပတ်သက်၍ ကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၁၂၆၇ မှ ထုတ်ပြန်သည့် ဆုံးဖြတ်ချက်များ unscr 1267's Sanction List
ဌာနတွင်း အရာထမ်းများ လုပ်ငန်းပိုင်းဆိုင်ရာ မွမ်းမံသင်တန်းအမှတ်စဉ် (၁) သင်တန်း ဖွင့်ပွဲအခမ်းအနား ကျင်းပ