18
Sep

စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် ကမ္ဘာ့ဘဏ် အုပ်စုတို့ ပူးပေါင်းကျင်းပသည့်ဘဏ္ဍာရေးဝန်ဆောင်မှုများဆောင်ရွက်နိုင်စွမ်းနှင့် ရယူသုံးစွဲနိုင်မှုအားပေးမြှင့်တင်ခြင်းဆိုင်ရာအလုပ်ရုံဆွေးနွေးပွဲကျင်းပ နေပြည်တော် စက်တင်ဘာ ၁၈

စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် ကမ္ဘာ့ဘဏ် အုပ်စုတို့ ပူးပေါင်းကျင်းပသည့်ဘဏ္ဍာရေးဝန်ဆောင်မှုများဆောင်ရွက်နိုင်စွမ်းနှင့် ရယူသုံးစွဲနိုင်မှုအားပေးမြှင့်တင်ခြင်းဆိုင်ရာအလုပ်ရုံဆွေးနွေးပွဲကျင်းပ နေပြည်တော် စက်တင်ဘာ ၁၈

စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် ကမ္ဘာ့ဘဏ် အုပ်စုတို့ ပူးပေါင်းကျင်းပသည့်ဘဏ္ဍာရေးဝန်ဆောင်မှုများဆောင်ရွက်နိုင်စွမ်းနှင့် ရယူသုံးစွဲနိုင်မှုအားပေးမြှင့်တင်ခြင်းဆိုင်ရာအလုပ်ရုံဆွေးနွေးပွဲကျင်းပ
နေပြည်တော် စက်တင်ဘာ ၁၈
စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် ကမ္ဘာ့ဘဏ် အုပ်စုတို့ ပူးပေါင်းကျင်းပသည့် ဘဏ္ဍာရေးဝန်ဆောင်မှုများ ဆောင်ရွက်နိုင်စွမ်းနှင့် ရယူသုံးစွဲနိုင်မှု အားပေးမြှင့်တင်ခြင်းဆိုင်ရာ အလုပ်ရုံဆွေးနွေးပွဲ (Workshop on Enhancing Financial Capability and Inclusion in Myanmar) ကို ယနေ့နံနက် ၀၉:၀၀ နာရီအချိန်တွင် နေပြည်တော်ဟိုတယ်ဇုံရှိ Kempinski Hotel တွင် ကျင်းပ ပါသည်။
အဆိုပါအခမ်းအနားသို့ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စု ဝန်ကြီး ဦးစိုးဝင်း၊ ဒုတိယဝန်ကြီး ဦးမောင်မောင်ဝင်း၊ မြန်မာနိုင်ငံတော်ဗဟိုဘဏ် ဒုတိယ ဥက္ကဋ္ဌ ဦးစိုးသိန်း၊ ကမ္ဘာ့ဘဏ်အုပ်စုမှ မြန်မာ၊ လာအို၊ ကမ္ဘောဒီးယားနိုင်ငံဆိုင်ရာ Country Director Ms. Ellen Goldstein၊ ဌာနဆိုင်ရာ အကြီးအကဲများ၊ ကမ္ဘာ့ဘဏ်မှ တာဝန်ရှိသူများ၊ UNCDF ၊ DaNa Facility ၊ LIFT Fund ၊ UK Aid ၊ IFC မှ ကိုယ်စားလှယ်များ၊ မြန်မာနိုင်ငံဘဏ်များအသင်းနှင့် ပုဂ္ဂလိကဘဏ်များ၊ အသေးစား ငွေရေးကြေးရေး အဖွဲ့အစည်းများနှင့် ပုဂ္ဂလိကအာမခံကုမ္ပဏီများမှ ကိုယ်စားလှယ်များ၊ လေ့လာသူများတက်ရောက်ကြပါသည်။
အခမ်းအနားတွင် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီးက အမှာစကားပြောကြားရာ၌ မြန်မာနိုင်ငံတွင် ထိရောက်ကောင်းမွန်ပြီး အားလုံး ပါဝင်နိုင်သော ငွေရေးကြေးရေးကဏ္ဍအား မြှင့်တင်ရာတွင် Financial Capability သည် အရေးကြီးသောမူဝါဒတစ်ရပ်တွင် ပါဝင်ပါကြောင်း၊ ကမ္ဘာတစ်ဝှမ်းတွင် အားလုံး ပါဝင်နိုင်သော ငွေရေးကြေးရေးကဏ္ဍသည် အရေးကြီးသော အခန်းကဏ္ဍတွင် ပါဝင် သော်လည်း မြန်မာနိုင်ငံအပါအဝင် စီးပွားရေးဖွံ့ဖြိုးဆဲနိုင်ငံများရှိ ပြည်သူများသည် တရားဝင် ငွေကြေးဝန်ဆောင်မှုများအား ရယူသုံးစွဲမှု နည်းပါးလျက်ရှိပါကြောင်း၊ မြန်မာနိုင်ငံတွင် အားလုံးပါဝင်နိုင်သော​ ငွေရေးကြေးရေးကဏ္ဍအစီအစဉ်အား UNDP
Normal Country Program အရ ၂၀၁၄ ခုနှစ်တွင် စတင်ခဲ့ပါကြောင်း၊ ဆက်လက်၍ အားလုံးပါဝင်နိုင်သော ငွေရေးကြေးရေးကဏ္ဍ တည်ဆောက်ရေး လမ်းပြ မြေပုံ (၂၀၁၄-၂၀၂၀ ) အား UNCDF နှင့် DaNa Facility တို့၏ အထောက်အပံ့ဖြင့် အကောင် အထည်ဖော် ဆောင်ရွက်လျက်ရှိပါကြောင်း၊ ငွေရေးကြေးရေးကဏ္ဍသည် နိုင်ငံ စီးပွားရေး ကဏ္ဍ၏ အသက်သွေးကြောပင် ဖြစ်ပါကြောင်း၊ ငွေရေးကြေးရေးကဏ္ဍတွင် ပြုပြင် ပြောင်းလဲမှုများအား စီမံကိန်းနှင့်ဘဏ္ဍာရေးဝန်ကြီးဌာန နှင့် မြန်မာနိုင်ငံတော် ဗဟိုဘဏ်တို့ ပူးပေါင်းဆောင်ရွက်လျက်ရှိရာ အတိုင်းအတာတစ်ခုအထိ အောင်မြင်မှု ရရှိ နေပြီဖြစ်ပါကြောင်း၊ Financial Capability and Inclusion သည် ဖွံ့ဖြိုး တိုးတက်ရေး အတွက် အဓိက စိန်ခေါ်မှုတစ်ရပ် ဖြစ်ပါကြောင်း၊ ယနေ့ကျင်းပသည့် ဆွေးနွေးပွဲသည် အဆိုပါအရေးကြီးသည့် အကြောင်းအရာများကို ဆွေးနွေးကြမည် ဖြစ်ပါကြောင်း၊ ဆက်သွယ်ရေးကဏ္ဍ လျင်မြန်စွာ ဖွံ့ဖြိုးတိုးတက်နေသည့် မြန်မာနိုင်ငံတွင် Mobile စနစ် ဖြင့် ငွေကြေးဝန်ဆောင်မှု ကျယ်ပြန့်လာစေရေးအတွက် ငွေကြေးအသိပညာ ဖြန့်ဝေခြင်း ကို ပိုမို ဆောင်ရွက်ကြရမည်ဖြစ်ပါကြောင်း၊ ပြည်သူများမှ ငွေကြေးဝန်ဆောင်မှုများကို ယခင်ထက် ပိုမို ရယူသုံးစွဲနိုင်ရေးအတွက် ကမ္ဘာ့ဘဏ်အပါအဝင် ဖွံ့ဖြိုးမှု မိတ်ဖက် အဖွဲ့ အစည်းများဖြင့် ပူးပေါင်း ဆောင်ရွက်ကြရမည်ဖြစ်ပါကြောင်း၊ သက်ဆိုင်ရာ အစိုးရအဖွဲ့ အစည်းများ၊ ပုဂ္ဂလိကကဏ္ဍများနှင့် ဖွံ့ဖြိုးမှုမိတ်ဖက်အဖွဲ့ အစည်းများ ပူးပေါင်း ဆောင်ရွက်မည်ဆိုပါက မြန်မာနိုင်ငံ၏ ငွေရေးကြေးရေးကဏ္ဍသည် လျင်မြန်စွာ ဖွံ့ဖြိုး တိုးတက် လာမည်ဟု ယုံကြည်ပါကြောင်း စသည်ဖြင့် ပြောကြားသွားပါသည်။
ဆက်လက်၍ ကမ္ဘာ့ဘဏ် အုပ်စုမှ မြန်မာ၊ လာအို၊ ကမ္ဘောဒီးယားနိုင်ငံဆိုင်ရာ Country Director Ms. Ellen Goldsteinနှင့် မြန်မာနိုင်ငံတော်ဗဟိုဘဏ်မှ ဒုတိယ ဥက္ကဋ္ဌ ဦးစိုးသိန်းတို့က အမှာစကားအသီးသီး ပြောကြားကြပြီး နိုင်ငံတကာ ကျွမ်းကျင်သူများက The Global Findex Database 2017 ၊ Financial Inclusion Insights 2018 နှင့် Enhancing Financial Capability and Inclusion in Myanmar စသည့် ခေါင်းစဉ်များဖြင့် ဆွေးနွေး တင်ပြကြပါသည်။ နေ့လည်ပိုင်းတွင် စကားဝိုင်း ဆွေးနွေးပွဲကို ဆက်လက်ကျင်းပရာ ကမ္ဘာ့ဘဏ်၊ UNCDF ၊ DaNa Facility ၊ LIFT Fund ၊ UK Aid ၊ IFC ၊ နိုင်ငံပိုင်ဘဏ်များ၊ ပုဂ္ဂလိကဘဏ်များ၊ အသေးစားငွေရေးကြေးရေးအဖွဲ့အစည်းများနှင့် ပုဂ္ဂလိက အာမခံကုမ္ပဏီများမှ ကိုယ်စားလှယ်များက မြန်မာနိုင်ငံတွင် အားလုံးပါဝင်နိုင်သော ငွေရေးကြေးရေး ကဏ္ဍဖွံ့ဖြိုးတိုးတက်ရေးရည်မှန်းချက်များ အောင်မြင်ရေးအတွက် မေးမြန်း ဆွေးနွေး ကြပြီး တက်ရောက်လာကြသူများ၏ မေးမြန်းချက်များကို ပြန်လည်ဖြေကြားကာ အလုပ်ရုံ ဆွေးနွေးပွဲကို ၁၅:၀၀ နာရီတွင် ရုပ်သိမ်းခဲ့ပါသည်။